agaw-awis 'diay simmaba a bulan
kasla man nagtalinaay
a pagindayunan
kaduaka koma
ta inta agtugaw.
inta agbanniit kadagiti bituen
ket dagitoy pusota
agserbi nga alat
tapno dida makaruk-at
a kas saksi ti ayan-ayat.
no dumtengto ti kidem
agsadagakto kenka
ket no ti layap
lukagenna ti pannaturogta
tapno yawatna ti lawag
agwingiwingakto
gapu ta sika ti layapko
ket kapkapnekanka .
SUERTE CRISTOBAL PULPULAAN
Kuwait City
No comments:
Post a Comment