nangisit dagiti ulep
a nangbungon iti tangatang
agparangto pay ngata dagiti bituen?
sapsapulendaka dagitoy matak
iti likudan dagita a nalidem a kapas
ngem awanka dita a makitak.
iti narabuy a karuotan
a nagid-iddaanta
barukongmo ti nagsadagak
a nangpakalma 'toy riknak
ket nagawis ti pul-oy,
nagdanggayanta a pinabara
ti inyaprosna a salemsem .
dayta ti ayat a nangted maris ti aglawlaw-
winadaanna ti langit babaen iti napaut
nga agek ken nairut nga arakupmo.
IMELDA BATARA ALIBUYOG
Koblenz, Germany
